Академија Пандев претрпе нов пораз во домашното првенство. Во рамките на 20 тото првенствено коло на гостувањето во Скопје беше совладана од Македонија ЃП од 1:0, меч кој ќе биде запаметен по киксот на Стефан Костов кој поцрвене и по тоа што главниот беше заменет со четвртиот судија и од таа позиција досуди пенал за домаќините кој го реализираше Блажевски
Ова е седми пораз за пандевци и тоа од екипа против која ја имаше последната победа во првенството и тоа на 23 октомври лани на стадионот Благој Истатов во рамките на 11 коло. Од тогаш па наваму ,,пандевци’’ се во криза и немаат првенствена победа. Кризата започна со гостувањето кај Борец во Велес каде претрпеа пораз, потоа следуваа три нерешени меча со Работнички дома, кај Ренова во гости и со дебитантот Струга на Благој Истатов. Потоа следуваа три пораза од Шкупи во гости, од Вардар на свој терен и во Кратов од Силекс, со што заврши есенската полуетапа.
Победа нема ниту во воведните две кола од пролетниот дел на првенството. Претрпеа пораз од Шкендија минатата недела и денес во Скопје од Македонија ЃП. Ваквиот епилог ги симна од врвот дури на петата позиција со што се доведуваат во опасност да паднат во вториот дел од табелата. Имаат 7 победи 6 нерешени исхода и 7 пораза или вкупно 27 бода.
Следното коло пандевци го пречекуваат тимот на Борец од Велес. Мечот се игра на 1 март на стадионот Благој Истатов во кој избраниците на Југослав Тренчовски ќе мора да дојдат до цел плен за ја прекинат лошата серија и да не се доведат во опасната зона.
фото www.gol.mk
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
