Пионерскиот состав на Академија Пандев генерација 2010 е победник во својата конкуренција на годинашново издание на Драган Манце Купот во Белград Србија каде учествуваа 40 екипи од поранешена Југославија но и од Полска и Молдавија. Децата на Васко Тодоров покажаа одлични партии на турнирот и го кренаа победничкиот пехар а Димитар Петров е прогласен за најдобар голман во својата конкуренција
Надежите на Академија Пандев без пораз ја поминаа групата Г каде најпрво се сретнаа со полскиот тим Турниејова. Ремизираа 1:1 а нерешено одиграа и со фудбалерите родени 2010 на босанскиот Сараево 2:2. По двете ремиа малите пандевци ги ,,растурија,, Варга од Словенија со 8:0 и врсниците од ФК ИМ 1975 Србија со 7:0
Како втори од групата во осминафиналето славеа против Земун со 3:1. Во четвртфиналето славеа на тимот Гаучуси со 2:1 а во полуфиналето беа подобри од домашниот Телеоптик со 1:0. Во борбата за првото место струмичките фудбалски надежи се сретнаа со словенскиот Марибор и одиграа 2:2 но во пеналите Димитар Петров беше одличен на мрежата на Аакдемија Пандев и го однесе својот тим до победничкиот пехар откако славеа со 3:1 на пенали.
,,Презадоволен сум од играта на нашиот тим. Покажавме квалитет и дека професионално се работи во ФК Академија Пандев. 40 екипи беа во нашата конкуренција и стигнавме до пехарот во нашата генерација за фудбалери родени 2010. Ова не ни е прво учество на Драган Манце Купот но годинава морам да потенцирам дека имаше одлична организација и терени за натпревари. Освен Петров мислам дека имавме кандидати и за најдобар играч,, ни изјави Васко Тодоров тренерот на ова екипа на ФК Академија Пандев
Инаку генерацијата 2010 на Академија Пандев беа учесник и во македонската детска лига во ова генерација каде на национално ниво на завршниот турнир го освоија второто место
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
