На иницијатива на градоначалникот на општина Ново Село – Никола Андонов, Советот на општината на последната седница донесе одлука за доделувања парична награда на секое девојче од училишниот тим на ООУ ,,Видое Подгорец” од Колешино кои на последното Балканско првенство во футсал за основни училиште го освоија првото место. Станува збор за поединечна парична награда од 12 илјади денари во знак на благодарност за промоцијата на општината и Колешино но и како мотивација и понатаму да постигнуваат спортски успеси.
Парична награда во ист износ доби и тренерот на училишната футсал екипа на ООУ ,, Видое Подгорец” од Колешино Спаско Миков под чија палка девојчињата од 5 то до 9 то одделение контуинирано тренираат и веќе две години се државни прваци во женска конкуренција во училишен футсал. За одлуката гласаа сите членови на Советот на општината.
,, Ова е скромна парична награда за девојчињата кои како општина не направија горди изминатиов период . Со успехот на Балканското првенство во Косово ја промовираа нашата општина и се закитија со титулата Балкански Шампионки. Се надевам дека ова ќе допре и до Агенцијата за млади и спорт но и останатите државни институции во земјава за да се изгради училишна спортска сала, бидејки како што е познато девојчињата тренираат на отворено односно немаат спортска сала”, ни изјави градоначалникот на Ново Село, Никола Андонов кој се заложи дека во наредниот период како локална самоуправа ќе инсистираат пред државата да се изгради сала во ООУ Видое Подгорец воКолешино
Немаат спортска сала а станаа Балкански Шампионки во футсал – ООУ Видое Подгорец од Колешино најдобри на Балканијадата во Косово
Видео: Жителите на Колешино ги пречекаа Балканските Шампионки во футсал – ученичките од ООУ ,,Видое Подгорец’’ со нова титула !
Ќе бараме од Влада спортска сала во Колешино, а Шампионките ќе ги наградиме, вели градоначалникот Андонов за успехот на ООУ Видое Подгорец
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
