Денес, во духот на соработката и општествената одговорност, Општинскиот фудбалски сојуз Струмица и Казнено поправната установа Затвор Струмица потпишаа Меморандум за соработка.
Овој документ претставува основа за заеднички активности и проекти кои опфаќаат повеќе важни сегменти од општествениот живот, развојот и промоцијата на спортот па се до ресоцијализацијата на осудените лица и подобрувањето на физичката подготвеност на вработените во установата.
Преку оваа иницијатива, двете институции покажуваат дека спортот може да биде мост кој ги поврзува луѓет ги поттикнува позитивните вредности и отвора нови можности за личен развој и интеграција во заедницата.
Соработката ќе вклучува организирање на спортски активности, обуки, натпревари и едукативни програми со цел унапредување на спортскиот дух, дисциплината и тимската работа — вредности што се подеднакво важни и на теренот и во секојдневниот живот.
Со ова партнерство, Општинскиот фудбалски сојуз Струмица и КПУ Затвор Струмица уште еднаш потврдуваат дека посветеноста и хуманоста немаат граници, и дека преку заедничка работа може да се создадат подобри услови за сите членови на општеството.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
