Откупната цена на зелката до 20-ти април ќе биде минимум 15 денари за килограм, односно до овој термин да не се откупува под ова цена. Ова било договорено на вчерашниот состанок што министерот Трајан Димковски го одржал со откупувачите на зелка, соопшти Министерството за земјоделство шумарство и водостопанство. Ваквата одлука е поради вонредната состојба и последиците од појавата на коронавирусот врз секторот земјоделство потенцираат од министерството од каде велат дека државниот инспекторат за земјоделство, во овој период ќе врши засилени контроли, со цел да нема манипулиции со договорената минимална цена.
Вчерашната средба меѓу министерот Димковски и откупувачите е резултат на се почестите реакции на земјоделците во врска со откупните цени на првите количини пролетна зелка од струмичкиот регион и старавувањето дека со екот на бербите цените ќе бидат нерентабилни. Министерството за земјоделство, шумарство и водостопанство како што стои во соопштението е во постојана комуникација со производителите, откупувачите и извозниците на сите земјоделски производи, со цел да има непречен извоз.
,,МЗШВ како и досега, продолжува да ја следи состојбата со коронавирусот и последиците врз земјоделскиот сектор, доколку има потреба ќе се наоѓаат решенија преку интервентни мерки а со цел да го заштитиме земјоделството’’ се вели во соопштението од министерството
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
