Дирекцијата за заштита и спасување заедно со преставници од МВР но и од земјоделскиот инспекторат претпладнево ги утврдуваа причините за големиот пожар кој се закануваше да опожари куќи и викендици кај Софилар и Баница. Како што ни изјави Митко Димчев од Дирекцијата за заштита и спасување откриени се повеќе жаришта. Биле запалени суви гранки од резидба на овоштарник кои стоеле со години и запалена сува вегетација, трски и капини на необработени површини. Ветрот кој се појавил бил сојузник за брзото проширување на пожарот, кој прво се насочил кон Баница а потоа и кон Струмица, конкретно населбата Софилар.
,,На лице место кај што е почнат пожарот откривме 3 до 4 жаришта. Запалени се суви гранки од овоштарник кои биле таму повеке години и запалено е пространство со трска, трње капини. Заради ветрот прво пожарот почнал да се движи кон село Баница, па потоа ветерот го менува правецот и продолжува кон Струмица. За среќа кога пожарот дојде до Струмица ветрот го сменува правецот и пожарот се насочи кон опожарената површина. Во месноста Софилар браневме 5- 6 објекти да не се опожарат,, кажа Митко Димчев
Во пресрет на пролетната сеидба, земјоделците да не ја палат сувата вегетација по нивите. Палењето огнови на отворено, вклучително и стрништа но и земјоделски отпад е кривично дело потсетуваат надлежните. Од првичниот увид 99 одсто од опожарената површина е необработено земјоделско земјиште обраснато со трска, капини. Пожарот има предизвикано штета на овоштарник со сливи, има оштетено систем капка по капка.
,, Треба да се знае дека палењето е забрането со закон. Секој што сака да запали стрништа , земјоделски отпад, треба да го пријават во Противпожарната единица. Но верувајте има палење намерно и од земјоделци и од сточари. Се е тоа кривично дело. Еве овој пожар ќе го водиме како предизвикување општа опасност што е кривично дело за кое се лежи и казна затвор“, вели Димчев
ЦУК објави дека овој месец во земјава се евидентирани 484 пожари на отворен простор од кои 23 се шумски додека во останатите горела висока сува трева, стрништа и ниско стеблеста деградирана шума. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
