Во општинската зграда на Ново Село отворена е канцеларија на Агенцијата за катастар на недвижности со што жителите од оваа општина веќе нема да патуваат до Струмица за имотен лист или друга катастарска услуга. Првиот човек на Агенцијата за катастар на недвижности Иван Живковски заедно со раководителот на Одделението за катастар на недвижности – Струмица Јован Симевски и градоначалникот на Ново Село Ѓорѓе Божинов го означија стартото на работата на оваа дисперзирана канцеларија
Отворањето на оваа канцеларија претставува значаен чекор кон подобрување на административните услуги и зголемување на достапноста на институциите за граѓаните. Истат ќе овозможи локално и поефикасно вршење на катастарските услуги, со што граѓаните ќе можат побрзо и полесно да ги реализираат своите потреби без да патуваат во други општини.
Паралелно имаше и работна средба на која првите луѓе на Агенцијата заедно со градоначалникот на Ново Село разговараа за идната соработка меѓу општината и Агенцијата како и за тековно решавање на предизвиците со кои се соочуваат граѓаните во областа на катастарските услуги.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
