Осум ученици од основните училишта Сандо Масев, Никола Вапцаров и Видое Подгорец од Струмица освоија максимални 100 поени на сообраќајниот тест што се реализираше во Испитниот центар во Струмица во рамките на програмата ,,Вело безбедност“. Станува збор за ученици кои покажаа најголеми знаења за велосипедско и сообраќајно образование со посебен акцент на безбедноста на велосипедистите по улиците и патиштата. По завршувањето на тестирањето децата беа прогласени како вистински промотори но и можни едукатори на повозрасните за почитување на сообраќајни правила
Никола Вапцаров:
1.) Стефан Јованов
2.) Теа Минкова
3.) Теодосиј Стоилов
Сандо Масев:
1.) Томислав Петрушевиќ
2.) Верица Митева
3.) Тодор Партенов
4.) Давид Тодоров
Видое Подгорец:
1.) Никита Георгијевски
Инаку пррограмата „Вело Безбедност“ во Струмица се реализираше повеќе денови при што се реализираа детални теоретски и практични обуки за сообраќајни правила и велосипедски вештини кои се реализираа по специјално подготвен Прирачник за велосипедско и сообраќајно образование, изготвен според условите и сообраќајната реалност на улиците во Струмица. Прирачникот ќе биде доставен до сите основни училишта во општината, со цел да се поттикне континуирана едукација и одржлива велосипедска култура.
Како дел од програмата, во Испитниот центар во Струмица беше спроведена финална проверка на знаењата и вештините на учениците, каде повеќе од 70% од децата постигнаа над 80 поени од можни 100, демонстрирајќи сериозна ангажираност, посветеност и разбирање на важноста на сообраќајните правила од страна на децата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
