Осум земјоделци од населеното место Градашорци добија признанија и награди од Општина Василево откако беа прогласени како најголеми производители на праз за оваа 2024 година. Станува збор за земјоделци кои оваа година имаат засеано најмногу површини под ова култура за која секоја година се организира Празијадата во Градашорци а стана бренд на Општина Василево.
Станува збор за земјоделците Ванчо Пандев, Блажо Илиев, Оливер Глигоров, Ванчо Илиев, Роберт Глигоров, Ахмет Демов, Јусуф Мустафов и Ерол Демов сите од Градашорци. Овие земјоделци оваа производствена реколта имаат најмногу површини засеано со праз и како што кажаа солидни се приносите оваа година со оглед на лошите временски услови. Станува збор за површини од по неколку декари.
Признанијата ги додели претседателот на Советот на Општина Василево Ристо Делијанов. Инаку годинава површините под праз се намалени во однос на изминатите а денеска во Градашорци за време на манифестацијата, сноп праз со околу 30 глави се продаваше по цена од 350 до 400 денари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
