Осудени лица кои издржуваат казна затвор во казнено поправните домови во Струмица и Гевгелија ќе бидат работно ангажирани за корисни активности во Општина Дојран. Градоначалникот на Дојран – Илија Тентов заедно со директорите на КПУ Струмица Зоран Ристов и на КПУ Гевгелија Слаѓана Стаменковска потпишаа Меморандум за соработка со цел унапредување на работниот ангажман на осудените лица кои издржуваат казни во овие две установи.
,, Со оваа соработка се овозможува подобра ресоцијализација на осудените лица преку нивно вклучување во корисни активности, кои придонесуваат за подобрување на општественото добро и локалната заедница“, објави Управата за извршување санкции.
Со овој Меморандум се отвора можноста осудени лица кои издржуваат казна затвор во установите во Струмица и Гевгелија да бидат вклучени во уредување на јавните зелени површини, реализација на еколошки акции но и други општокорисни активности кои ќе придонесат за подобрување на изгледот на ова туристичко место.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
