Холанѓаните не сакаат многу елитен туризам, туку прошетки и запознавање со културата и обичаите на една нација. Преферираат локални тури, храна, историја, природни убавини, дружење со локалното население . Вака тврди брачниот пар Коцирови кој живее и работи во Холандија а со години носат туристи и посетители во подбеласичкиот регион во струмичко. Тие се меѓу првите кои подигнаа сместувачки капацитет во Габрово за да можат поситетелите да останат на неколку денови и уживаат во Беласица која нуди големи можности за алтерантивен селски туризам но и посета на околните водопади и природнни убавини како и културно историски локалитети.
,, Пред 23 години кога почнавме да се занимаваме со туризам се роди идејата да се подигне капацитет во нашиот роден крај каде ќе можат странците да уживаат во мир и спокој во комбинација со локална храна, природни убавини наспроти динамичниот живот што го имаат во западноевропските држави. Ние сме посредници за туристи од Холандија, Белгија, Велика Британија преку одредени тур оператори. Ги носиме во Македонија претежно во Охрид а дел доаѓаат во источниот дел на државата“, вели Јасмина
Нејзините статистички податоци се дека во изминатите две децении околу 120 илјади туристи од овие три држави насочиле кон Македонија. Како што велат Коцирова туристите до Холандија Белгија и Велика Британија се импресионирани од убавините на државата и фактот дека постојат места каде нема врева, огромен сообраќај и брз живот.
„Најмногу се интересираат за природата, традициите, културата и сакаат да имаат интеракција со локалните луѓе. Сакаат да се дружат со нив, да го почуствуваат овдешниот живот. Да видат штала, нива, трактор“, вели Јасмина која најави дека во соработка со тамошните тур оператори плановите се да го прошират пазарот и кон Македонија да насочат туристи и од Швајцарија и Германија.
,, Навистина уживаме овде. Се е прекрасно. Лани овде беа наши пријатели кои ни кажаа дека уживале во храната и водопадите на Беласица. Тоа не потикна и ние да дојДеме. Се дружиме со локалното население но јазикот ни е препрека. Слушнавме за битката меѓу византиската војска и војската на локалниот Цар Самуил која била ослепена. Имате и одлични манстири и цркви“, кажа Ријоме Вајн од Холандија
Васко Коциров има корени од Габрово. Според него гостите од странство во подбеласичкиот регион уживаат во традиционалната храна. Од таа причина во подрумот тој чува тегли со туршија, компоти од локално овошје, домашни сосови, месо со маст во тегла но и разновидни домашни ракии и вина. Како што тврди гостите едноставно уживаат во се она што е приготвено од жителите од подбеласичкиот регион.
,,Тие сакаат да видат како се приготвува нашата храна. Најмногу баран е оризникот кој се спрема пред нивните очи но и лебот од фурна. Јас го викам велкоме ориз, таков каков што ми го приготвувала баба ми овде во селото. Не го нудиме во нашиот објект туку во соседната куќа во селски двор каде на менито е и тавче графче со селска супа. Паралелно им нудиме салати од свеж зеленчук, домашно вино, ракија. Баници, погачи. До минатата година само ги носевме и шетавме овде во Беласица но сега нудиме и некаков тип сместување,, вели Васко
Коциров смета дека локалното население освен со земјоделие мора да се ориентира и кон руралниот туризам. Да адаптира дел од сопствените или напуштените куќи за престој на туристи. Да понудат современи услови за сместување на гостите кои сакаат природна убавина. Паралелно да се нудат и одредени пропратни активности како планински велосипедизам, прошетка и возење со трактори, јавање коњи, магариња, посета на цркви манастири, посета на водопадите, пренесување на одреднеи приказни како што е Беласичката битка.
,, Тие сакаат да ги почуствуваат овдешните села кои се далеку од урбаните гужви. Сакаат мир и тишина и се интересираат за локалната историја. Мора да ја промовираме Битката на Беласица како појдовна точка за туризам. Да направиме патека од Смоларе до Водоча каде луѓето што ќе дојдат, ќе може да дознаат битката но и за населените места и приказните врзани за нив. Дека во Робово војската била зароебена, во Секирник ги мавале со секири, во Свидовица каде жените останале вдовици, во Водоча каде на секој војник им ги ваделе очите. Тоа се приказни кои будат интерес кај странците,, вели Коциров
Подбеласичкиот регион во струмичко нуди одлични можности за развој на руралниот туризам. Таму со години се достапни Смоларскиот, Колешинскиот и Габровскиот водопад. Интересни се и Мокринските извори, локалитетот Пирго кај Мокриево, Римските терми кај Банско, Моноспитоското блато. Гости доаѓаат од земјава и странство но ретко кој од подбеласичките места нуди сместување во селските куќи. В.Трајков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
