Општините Валандово, Гевгелија и Василево се на првите три позиции во Југоистокот по индексот на активна транспарентност за 2022. Ова стои во извештајот на Центарот за граѓански комуникации од Скопје кои секоја година прават анализи колку институциите и општините од државата објавуваат информации на сопствена иницијатива без некој да им побара. Тоа значи на своите веб страни но и преку други канали контуинирано пласираат информации за својата работа.
По Валандово, Гевгелија и Василево следуваат општините Конче, Богданци, Струмица, Ново Село, Радовиш, Босилово и Дојран кои сите бележат подобрување на индексот на активна транспарентност и како Југоисточен регион го сместија како најдобар
,,Југоисточниот Регион конечно застана на првото место со високи 84 %, подобрувајќи се за 10 процентни поени само за една година. Трета година по ред, на лидерското место во овој регион е општина Валандово која постојано ја подобрува својата активна транспарентност,, се вели во извештајот на Центарот за граѓански комуникации
Инаку под ’активна транспарентност‘ се подразбира објавувањето информации на
сопствена иницијатива на институциите, без притоа некој да има доставено до
нив барање за пристап до тие информации.
Според Центарот за граѓански комуникации најмалку информации на своја рака министерствата и општините објавуваат за финансиите
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
