Општините Ново Село и Босилово добија донација ровокопач обезбедена од УНДП и Бирото за регионален развој преку проектот ,,Општините како двигатели на одржливиот развој“ . Овие две општини односно Босилово и Ново Село заеднички аплицираа со проект во Програмата за меѓуопштинска соработка за намалување на опасностите и ризиците од катастрофи предизвикани од елементарни непогоди. Проектот им беше одобрен со што добија мини-багер со кој треба значително да се подобри состојбата на отворнеите канали во двете општини.
,,Мини-багерот, согласно потпишаниот договор за меѓуопштинска соработка меѓу двете општини, ќе се користи за редовно расчистување и одржување на каналската мрежа на територијата на Општина Ново Село и Општина Босилово со што значително ќе се намали ризикот од поплави и други непогоди“, објавија градoначалниците на Босилово и Ново Село – Ристо Манчев и Ѓорѓе Божинов.
Мини-багерот односно ровокопачот е со вкупна вредност од околу 33.000 американски долари, односно приближно 1.870.000 денари. Инаку на свеченоста освен двајцата градоначалници Ристо Манчев и Ѓорѓе Божинов присуствуваа и Амет Имери директорот на Бирото за регионален развој и Илми Даути од УНДП кои подвлекоа дека оваа опрема е важен чекор за оголема отпорност на двете општини кон климатските промени и е одличен пример за успешна меѓуопштинска соработка во Југоисточниот плански регион. (М.К)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
