Општина Струмица ќе застане зад акцијата на учениците од дрвопреработувачката струка при ДСУ „Никола Карев“ од Струмица и ќе ги обезбеди потребните матeријали за санација на оштетените клупи. Вака не информираше градоначалникот на Струмица Петар Јанков откако вчера дел од средношколците од оваа училиште, во големиот градски парк ги мапираа сите клупи за седење во градот анализарајки ја нивната функционалност.
,, Општина Струмица секако дека ќе ја подржи оваа акција. Ме радува што младите сакаат да дадат свој влог во заедницата и сакаат да придонесат за подобра слика со урбаната опрема. Општината ќе ги обезбеди потребните материјали како бои, лакови, алат, дрвена граѓа – буквално се што е неопходно за да се реализира целата акција. Ја чекам спецификацијата од училиштетото за да се отпочне постапката. Само со заедничка соработка на сите страни може да придонесеме за поубава Струмица ,,ни изјави градоначалникот на Струмица Петар Јанков кој подвлече дека секоја акција што ќе биде во интерес на заедницата ќе биде поддржана.
Вчера група ученици од дрвопреработувачката струка при ДСУ Никола Карев од Струмица направија обиколка на клупите за одмор во големиот градски парк. Како што соопштија детектирани се 190 клупи на кои треба да се интервенира. Дел треба да се офарбат и заштитат од надворешните влијанија додека дел треба да се санираат со поставување на нови дрвени подлоги. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
