Општина Струмица го објави повикот за субвенционирање на граѓаните за купување велосипед или велосипед со заштитна опрема како што се кацига, ракавици, штитници, велосипедско светло за оваа година. Средствата што Општина Струмица ќе ги субвенционира се во износ од 50% од вредноста на велосипедот или велосипедот со заштитна опрема (кацига, ракавици, штитници, велосипедско светло), но не повеќе од 10.000,00 денари по лице, со вклучен персонален данок на доход.
Целата програма тежи 1 милион и 250 илјади денари што значи дека субвенции може да добијат најмалку 125 струмичани но со оглед дека се купуваат и поевтини велосипеди се очекува и годинава бројката да биде околу 200 граѓани.
Право имаат сите граѓани на општина Струмица кои од денеска ќе набават нов велосипед или велосипед со заштитна опрема па се во наредните 30 дена или се до исцрпувањето на парите од програмата за ова година. На повикот не смеат да аплицираат вработени во Општината петте јавни претпријатија ЈПКД Комуналец, Струмица Гас, Стационар Лана, ЈП Паркиралишта и ЈП Транспорт. Исто така на повикот не може да аплицираат и оние граѓани кои во из минатите четири години 2020, 2021 и 2022 и 2023 добиле пари за набавка на нов велосипед.
Парите ќе се делат по принципот прв дојден прв услужен а целиот повик можете да го видите ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
