Општина Струмица распиша јавна набавка за санација и замена на гранитните плочки на плоштадот ,,Гоце Делчев’’ во Струмица за што планира да потроши околу 20 илјади евра од сопствениот буџет или според објавениот тендер проектираната вредност на јавната набавка изнесува 1 271 186 денари. До 25 ти февруари е јавниот повик на кој може сите заинтересирани каднидати фирми да достават понуди за санација и замена на старите и оштетени гранитни плочи на плоштадот со ценовник по дадената техничка спецификација.
Според техничката спецификација за јавната набавка, фирмата што ќе го добие тендерот ќе мора да изврши демонтирање на старите гранитни плочки и да го отстрани оштетениот врзив матријал односно подлогата а на истите локации да монтира нови плочи сив и црн гранит но и да ги искористи гранитните плочки кои беа демонтирани од кај просторот на Уметничката галерија.
Тендерот ќе ја добие фирмата што ќе понуди најниска цена по пат на јавно наддавање, а санацијата и замената се очекува да почне идниот месец и да заврши во рок од 60 дена.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
