Општина Струмица повторно ќе ги субвенционира граѓаните кои ќе купаат нов велосипед. Првиот човек на Струмица – Коста Јаневски на ФБ објави дека од денеска, 9 јули се до исцрпувањето на буџетот наменет за Јавниот повик во износ од 800.000 денари но не подоцна од 01.08.2021 година Општина Струмица ќе им надомести дел од трошоците направени при купување на велосипед. Парите што општината ќе ги субвенционира се во износ од 50% од вредноста на велосипедот, но не повеќе од 4.000,00 денари по лице, со вклучен персонален данок на доход.
Лицата кои имаат искористено/добиено парични средства за купување велосипед за минатата 2020 година немаат право на учество.
Барателот треба да ги исполни следните услови:
– да е жител на општина Струмица,
– да нема искористено субвенција за купување на велосипед од Општина Струмица
– новиот велосипед да е купен во Република Северна Македонија сметано од 09.07.2021 година се до исцрпувањето на буџетот наменет за Јавниот повик, но не подоцна од 01.08.2021 година.
Повеќе за Јавниот повик на следниов ЛИНК
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
