Општина Струмица објави јавен повик за ослободување од плаќање на надоместок за престој на деца на самохрани родители во градинките „Детска радост“ и „Виножито“ во текот на целата година. Ослободени од обврската за партиципација може да биде дете од семејство на самохрани родители и дете згрижено во згрижувачки семејства, а кои земаат плата пониска од просечната месечно исплатена нето плата на ниво на Македонија и невработени лица кои живеат на територијата на oпштина Струмица.
Самохрани родители имаат право на ослободување на плаќање надомест за престој на своите деца доколку еден од родителот е починат, еден од родителот е непознат и детето е од разведен брак, додека згрижувачките семејства треба да имаат стекнато статус на згрижувачко семејство.
Повикот, заедно со пријавата, се објавени на општинската веб страница со сите дополнителни информации и е отворен до 31 јануари. Инаку месечната партиципација по дете во струмичките јавни градинки изнесува 1490 денари
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
