По известување на Министерството за животна средина дека е зголемена концетрација на ПМ 10 честички во воздухот во два последователни дена кои ги покажува мерната станица во Струмица, општина Струмица на својата веб страница објави препораки од градоначалникот Коста Јаневски, со кои се информираат граѓаните за наредните за наредните денови
– Да се користи јавен превоз со мотори на плин (такси автомобили, такси
комбиња), користење на јавен превоз кога станува збор за локалните населени места,
– Приватните возилата да не се користат без поголема потреба,
– Повеќе лица да се возат со едно возило во исто време,
– Министерството за внатрешни работи да ја активира и да ја спроведе одлуката и контолата на воведениот сообраќаен режим за тешки товарни возила,
– Да не се користи како огревно средство за затоплување на простории:
прегорено отпадно масло, лакирани или обоени отпадоци од дрво и мебел, стиропор, ПЕТ амбалажа, парчиња гума и било каков синтетички материјал,
– Да се користи суво и чисто дрво без примеси од земја и отпадоци
– Печките за дрва да се користат и одржуваат според упатствата на
производителот и редовно да се чистат оџаците,
– Да се користат печките на пелети, бидејќи имаат повисока ефикасност на согорување во споредба со дрвата,
– Пелетите да бидат квалитетни, направени само од необработено дрво и без остатоци од каква било обработка (лепило, растворувачи, бои и лакови),
– Ефикасното грејно тело го загрева домот, заштедува гориво и пари и ги
намалува емисиите во атмосферата,
– На децата, старите лица, хронично болните од белодробни и срцеви
заболувања, но и за лицата кои работат на отворен простор им се препорачува ограничено движење и активности на отворен простор,
– Носење на филтер маски за дишење,
– Редовно чистење на улиците и пешачките површини во градот од страна на ЈПКД „Комуналец“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
