Општина Струмица распиша јавен оглас за набавка на локална мрежа за мерење на загаденоста на амбиентниот воздух односно на дополнителни станици со кои ќе се мери аерозагаденоста. Според објавената техничка спецификација станува збор за вкупно шест мерни сензори. Трите треба да бидат самонапојувачки и треба да ги отчитуваат штетните ПМ 2,5 честички на отворено заради што ќе мроа да бидат отпорни на атмосферски влијанија. Останатите три треба да бидат на напојување на електрична енергија и ќе треба да го мерат квалитетот на воздухот и на затворено и на отворено отчитувајки ПМ2,5 , ПМ10, VOC (испрарливи органски соединенија, атмосферски притисок, температура и влажност на воздухот
Сензорните монири мора да имаат WiFi интеграција која ќе овозможува да се проверува квалитетот на воздухот преку сопствена мапа во реално време од било каде во светот. Со овие станици како што е наведено во спецификацијата се очекува да се визуелизираат нивоата на загадување на воздухот во реално време со моментален пристап до точни податоци за да брзо се идентификуваат жаришта и извори на загадување
Општина Струмица лани во март на јавен оглас набави мрежа со шест мерни станици. Тие се поставени во непосредна близина на детската градинка Виножито, основните училишта Маршал Тито и Никола Вапцаров, средното училиште Никола Карев, на влезот во Струмица од кај Радовиш и во индустриската зона Мало стопанство. Нивните мерења може да се виде во реално време на веб www.strumica-air.com кој алармира со црвени бои во микролокациите каде концентрациите ги надминуваат дозволените вредности. Лани овие шест мерни станици чинеа околу 13 илјади евра а беа набавени од Ист Нетворк од Кочани. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
