Во наредните 45 дена во Струмица треба да се монтираат нови шест станици кои ќе го мерат квалитетот на амбиенталниот воздух. Вака стои во Договорот меѓу Општина Струмица и скопската фирма „Смарт Флоу“ која ја доби јавната набавка за поставување на Локална мрежа за мерење на загаденоста на воздухот на територијата на Општина Струмица. Вредноста на Договорот изнесува 999 401 денар односно околу 16 илјади евра. На распишаната Јавна набавка се јавила уште една фирма од Скопје
Дрнка МК портал за распишаната јавна набавка пишуваше во јануари. Според спецификација трите мерни станици треба да бидат самонапојувачки и треба да ги отчитуваат штетните ПМ 2,5 честички на отворено заради што ќе мроа да бидат отпорни на атмосферски влијанија. Останатите три треба да бидат на напојување на електрична енергија и ќе треба да го мерат квалитетот на воздухот и на затворено и на отворено отчитувајки ПМ2,5 , ПМ10, VOC (испрарливи органски соединенија, атмосферски притисок, температура и влажност на воздухот
Со ова Локаланта мрежа за мерење на загаденоста на воздухот во Струмица ќе брои вкупно 12 станици. Општина Струмица лани во март на јавен оглас набави мрежа со шест мерни станици. Тие се поставени во непосредна близина на детската градинка Виножито, основните училишта Маршал Тито и Никола Вапцаров, средното училиште Никола Карев, на влезот во Струмица од кај Радовиш и во индустриската зона Мало стопанство. Лани овие шест мерни станици чинеа околу 13 илјади евра а беа набавени од Ист Нетворк од Кочани.
Општина Струмица на својата веб страна објави дека Градоначалникот Петар Јанков, заедно со своите соработници, одржал работна средба со претставници на компанијата „Смарт Флоу“ на која се разговарало и за нови решенија и можности кои во иднина би можеле да се имплементираат во општина Струмица.
„Со поставувањето на новите мерни станици значително ќе се прошири и унапреди постоечката мрежа за мерење на квалитетот на воздухот. На тој начин граѓаните ќе добиваат попрецизни, подостапни и навремени информации за состојбата со воздухот“, стои во информацијата на Општина Струмица
Мерењата на сите станици може да се виде во реално време на веб www.strumica-air.com кој алармира со црвени бои во микролокациите каде концентрациите ги надминуваат дозволените вредности.
(В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
