Општина Струмица набави своја опрема и ќе прави мрежа со која ќе врши мерење на аерозагаденоста во Струмица. Станува збор мерни инструменти кои ќе бидат поставени на повеќе локации во Струмица со кои ќе се формира мрежа за мерење на аерозагаденоста на амбиенталниот воздух во Струмица.
Како што дознаваме ќе бидат набавени шест мерни инструменти од кои три како што стои во техничката спецификација се сензорни монитори (софтвер и хардвер) за мерење на квалитетот на воздухот односно ќе мераат концентрации на ПМ 2.5 честички. Истите ќе бидат самонапојувачки и ќе ја користат соларната енергија а не електричната. Со софтверското решение може да се добие и анализа на податоците за квалитетот.
,,Да се визуелизираат нивоата на загадување на воздухот во реално време со моментален пристап до точни податоци, за да брзо се идентификуваат жаришта и извори на загадување. Да се гледаат и следат трендови на квалитет на воздух . Сеопфатна алатка за управување, распоредување и анализа на сензорската мрежа што им овозможува на корисниците брзи увиди за квалитетот на воздухот за поддршка на оперативни одлуки и/или креирање политики ,, стои во техничката спецификација за овие мерни станици.
Паралелно Општина Струмица ќе набави и три сензорски монитори односно мерни инструменти за мерење на квалитетот на воздух во затворен простор и на отворено. Истите ќе се напојуваат директо со електирчна енергија а ќе мери ПМ 2,5, ПМ 10, VOC, атмосферски притисок, температура и влажност на возудхот.
Јавната набавка ја доби ,,Ист Нетворк груп“ ДООЕЛ Кочани а овие мерни инструменти ќе бидат поставени на локации за кои Општина Струмица ќе одлучи заедно со Здрава котлина. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
