Во наредние две години Општина Струмица заедно со Туристичкиот Сојуз Струмица ќе бидат вклучени во проектот ,,Бесконечна патека со низок јаглерод“ преку кој во Општина Струмица ќе се градат нови вело патеки . Станува збор за прекуграничен проект со соседна Бугарија од Програмата Interreg VI-A ИПА Бугарија – С. Македонија 2021-2027 во кој водечки партнер е Општина Петрич а освен Општина Струмица и Турстичкиот сојуз Струмица вклучени се и Општина Берово, Општина Струмјани од Бугарија и Бизнис информативниот и консултантски центар од Сандански
Како што не информираа од зедничкиот секретеријат на програмата Interreg VI-A ИПА Бугарија – С. Македонија, целиот проект “Бесконечна патека со низок јаглерод” чини 1.040.016,92 евра. Македонските партнери во овој проект ќе добијат околу 477 илјади евра од кои Општина Струмица ќе добие околу 288 илјади евра, Општина Берово околу 118 илјади а Туристичкиот сојуз Струмица околу 71 илјада евра.
Во Струмица со овој проект ќе се гради велосипедска инфраструктура односно велосипедски патеки до Дабиле во должина од 2 километри и кон Просениково од 1,2 килоемтри или патека од улицата до Агро берзата до патот што води кон Просениково.
Во општина Берово пак е планирано рехабилитација, реконструкција и подобрување на постоечка обележана патека од околу 22 км, која се протега од меѓународниот асфалтен пат во туристичката област Беровско Езеро, местата наречени Кукута и Бреза и се поврзува со центарот на „Infinity Trail“ и новиот граничен премин Берово-Струмјани “Клепало”. Проектот вклучува планови за изградба на простор за одмор и рекреација – летна дрвена куќа (Velo Hub, слободно пристапен) – лоцирана во Кукута.
Инаку во рамките на проект за урбана мобилност „Strumica – Smart Velo-City“, финансиран од Европската Унија, досега во Струмица има изградено околу осум километри вело патеки. Во моментов се гради велосипедска патека од двете страни на булеварот ,,Гоце Делчев“ од зградата на Македонска пошта и ќе продолжи до Мало стопанство. Изградбата ќе биде во две етапи. Првата која се реализира сега ќе се гради до Жито Струмица а втората етапе е од Жито Струмица до Мало стопанство. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
