Струмица и Кочани ќе соработуваат откако денеска градоначалниците на овие две општини Костадин Костадинов и Венко Крстевски потпишаа Меморандум за соработка, кој треба да биде потврден и од Советите со официјален Договор за меѓуопштинска соработка. Со истиот се очекува Општина Струмица да дава помош и поддршка на општина Кочани, бидејки после големата трагедија на ова општина и е потребна институционална поддршка.
,, Секторот за инспекциски служби на општина Струмица може да асистира но и да сподели искуства и знаење со Секторот за инспекциски служби во Кочани. Тука беше и Секторот за урбанизам од којшто општина Кочани ќе има потреба од планери, архитекти и градежни инженери, беше потенциран проблемот со уличните кучиња којшто Струмица го имаше до пред неколку години, но го реши благодарение на преземањето на Стационарот „Лана“ со што станавме и прва општина во Македонија со сопствен стационар за згрижување на уличните кучиња и реално се решава проблемот со глутниците клучиња“ кажа Костадинов
В.д. градоначалникот на Кочани, Венко Крстевски се заблагодари за подадената рака од Костадинов и Општина Струмица и на сите кои помогнале на Кочани во овие тешки времиња.
,, Нам ни треба и институционална помош. Помошта од граѓаните ја добиваме секојдневно, но нам ни недостасува помош од институциите. Нашата општина е сардисана во делот на инспекциските служби и подадената рака во делот на градежните инспектори ја прифаќаме и ќе потпишеме договор за соработка и сакаме позитивните практики од Општина Струмица да ги примениме, бидејќи од оваа несреќа треба да извлечеме поука, а таа е дека јавната површина е јавен интерес. Нема да има никаква толеранција спрема угостителски објекти коишто го узурпираат јавниот интерес и се безбедносен проблем,, изјави Крстевски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
