Општина Струмица ја распиша јавната набавка за изградба на социјалната населба на просторот Чамлк каде ќе се подигаат типски куки за сместување на социјално загрозени семејства. Според тендерската документација во првата фаза на овој простор треба да се изведува сообраќајна инфраструктура, потпорна конструкција, улично осветлување и фекална и атмосферска канализација. Во ова фаза не е предвидено изведба на водоводна инфраструктура.
Тендерот чија проценета вредност е 90 милиони денари е објавен вчера и ќе трае до 15 септември на кој сите заинтересирани економски оператори може да достават понуди за изведба на работите согласно предложената техничка спецификација.
Како што стои во објавениот оглас за јавната набавка право на учество имаат фирмите кои имат важечка лиценца Б за изведвување на градби од втора категорија издадена од Минситерството за транспорт и врски, во последните 3 годиини да имат минимален годишен приход од 200 милиони денари и да имат реализирано најмалку три договори со предмет на изведба од типот на ниско градба.
Во април годинава се расчистуваше локацијата над новите турски гробишта каде ќе биде социјалната населба. Станува збор за опфат од 3,3 хектари каде се планира да бидат изградени околу 100 типски куќи за социјално загрозените семејства
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
