Општина Струмица објави Јавен повик за субвенционирање на граѓани на општината за купување велосипеди во 2023 година. Целта на повикот е да се стимулираат жителите на градот Струмица и населените места за користење велосипеди. Од таа причина сите граѓани на општината кои од 21 март ќе купат нов велосипед може да добијат субвенции во износ од 50 % од вредноста на купениот велосипед, но не повеќе од 10 илјади денари по лице со вклучен персонален данок на доход.
Јавниот повик ќе трае до 28 април 2023 а субвенциите ќе се делат по принципот прв дојден прв услужен се додека не се искористат планираните средства за таа намена за што општината контуинирано ќе информира. На јавниот повик не може да се јават лица кои имаат искористено односно добиено парични средства за купување велосипед во 2020, 2021 и 2022 година. Право немаат ниту вработените со потесното семејство во Општина Струмица и четирите јавни претпријатија, Комуналец, Струмица гас, Паркиралишта и Стационар Лана.
Повеќе детали за јавниот повик на Општина Струмица за субвенции за нов велосипед може да прочитате ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
