Општина Струмица пред речиси два месеца склучи договор со скопската фирма ,,Коп инженеринг’’ за изведба на фекална канализација во населеното место Вељуса прва фаза. Станува збор за канализациона мрежа од околу 7 100 метри со што ќе бидат опфатени поголемиот дел од домаќинствата од ова населено место во ова фаза, за што општина Струмица средствата ги обезбеди преку Агенцијата за финансиска поддршка во земјоделството и руралниот развој.
Според договорот изградбата на канализационата линија треба да биде во рок од една година од денот на воведување во работа на изведувачот. Според техничката спецификација, трасата каде ќе има фекална канализациона линија изнесува 7 104 метри. Истата ќе биде покриена со ПВЦ глатки цевки произведени по DIN EN 1401 со крутост на прстенот SN4 стои во техничката спецификација.
Целата инвестиција изнасува 307 илјади евра а плаќањето ќе се врши во рок од 60 дена по секоја завршена времена ситуација. Според информациите од градоначалникот на Струмица Коста Јаневски во Вељуса почнати се активностите за изведба на овој проект.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
