Во првата половина од ова година се очекува да биде готова проектната документација за истражување на локалитетот ,,топла вода,, кај радовишко Раклиш за да се истражи потенцијалот и температурата на термалните води што го поседува овој локалитет. Таму во моментов по природен пат извираат околу 2 литри во секунда кои се опфатени и течат низ фонатаната сред село. Градоначалникот на Радовиш Герасим Конзулво смета дека на овој локалитет можни се поголеми количини но тоа треба да го покажат истражувањата.
,, Сметаме дека таму има потенцијал кој може да биде во функција на локалниот економски развој. Температурата на водата е околу 20 тина степени но со оглед дека се самоизвор сметаме дека се меша и со ладни води. Изработката на проектната документација ќе даде насоки како да се направат овие истражувања на длабочина до околу 640 метри. Раклиш се наоѓа на крстосница на подземни термалани води. Верувам дека идната година ќе се направат овие истражувања за да се констатира потенцијалот,, вели градоначалникот Герасим Конзулов
Жителите на Раклиш велат дека топлата вода постојано си тече тоа со децении. Пред 30 тина години биле правени истражувања но само до 100 тина метри . Сметаат дека термалната вода е слична како и во Бања Банско. Водата во моментов се користи за техничка намена иако е питка.
Според договорот скопската фирма ,,Геолесново’’ ќе мора до летото да ја изработи проектната документација која ќе биде основ за понтамошни истражувања. Тие за околу 5 илјади евра ќе мора да го изработат проектот. Општинските власти на Радовиш сметат дека истражувањата може да се прават и по пат на јавно приватно партнерство што би чинело околу 200 илјади евра . Во зависност од резултатите што ќе се добијат ќе се превземат и следните чекори
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
