Наредниот период сите домаќинства од општина Ново Село ќе добијат канти за отпад, кои локалните власти ги набавија преку грантот од проектот за подобрување на општинските услуги што го спроведува Минстерството за финансии а го финансира Светска Банка. Станува збор за вкупно 2039 пластични канти за отпад кои ќе бидат распределени на домаќинствата кои досега немаа садови за складирање на отпад. Распределбата ќе оди преку ЈПКД ,,Комуна’’ од Ново Село за што ќе се склучуваат договори и за собирање на отпадот со домакинствата, се во функција на поздрава животна средина и намалување на дивите депонии во атарите на населените места.
,, Станува збор за канти кои ги набавивме со грант од Светска Банка кои ќе се доделат на домакинствата кои немаат во сите населени места од општината. Наша цел е да овозможиме услови за организирано собирање на отпадот за да не се фрла отпадот насекаде и не се создаваат диви депонии. Здрава и чиста животна средина се наш приоритет. Станува збор за 2039 канти. Инаку лани доделивме околу 1000 канти. Сакаме секое домакинство да добие садови каде ќе можат да го депонираат комуналниот отпад а преку ЈПКД ,,Комуна” организирано ќе се собира и депонира на утврдена локација,, ни изјави градоначалникот на Ново Село Никола Андонов
Дополнително ќе се објават термините за посета по населените места кога ќе се доделуваат кантите и ќе се склучуваат договори. Инаку со овој проект општинските власти на Ново Село очекуваат ублажување на последиците и намалување на загадувањето на територијата на општината.
Од општината информираат дека фрлањето отпад на јавни површини, диви депонии е строго забрането и секое прекршување најстрого ќе се казнува.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
