Во согласност препораките од страна на Владата на РСМ, Министерството за здравство и Комисијата за заразни болести во однос на коронавирусот Ковид-19, Општина Ново Сели изврши дезинфекција на јавните површини . Дезинфекцијата се изврши со сопствени средста а беа опфатени централните подрачја на сите населени места, урбаната опрема, болницата, институциите.
Првиот човек на Ново Село – Никола Андонов апелираше до сите граѓани на ова локална самоуправа да ги почитуваат мерките и нема простор за паника иако ситуацијата треба да се сфати како сериозна
,, Време е сите ние да покажеме одговорност, и да ги заштитиме нашите фамилии, пријатели, роднини, колеги, соработници. Постапките на граѓаните се исто толку важни во оваа вонредна состојба. Граѓаните да останат дома, да не ги напуштаат своите домови без поголема потреба, да практикуваат лична и респираторна хигиена, редовно да се информираат од релевантни извори на информации. Во локалните продавници, маркети, аптеки, банки, пошти и останати објекти кои сеуште работат, да се почитува препорачаното растојание од 1-2 метри и да се практикува претпазливост,, објави градоначалникот на Ново Село Никола Андонов.
Како што информираа, Општината и надлежните институции и понатаму ќе се фокусираат на спроведување на потребните мерки, и ќе останат во служба на граѓаните за заштита на јавното здравје а дезинфекцијата ќе биде редовна појава во сите населени места како дел од мерките кои ги превзема општината во борбата против ширењето на коронавирусот Ковид-19.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
