По покренетета иницијатива од Совет на општина Акхисар и Совет на општина Конче за збратимување на нашите општини, заедно со дел од советниците бевме во посета на општина Акхисар каде заедно со Градоначалникот на Акхисар Бесим ДУТЛУЛУ го потпишавме официјалниот протокол за збратимување на општина Конче и општина Акхисар.
Акхисар со 174.850 жители од кои околу 35.000 се исселенеци од балканските земји и годишен буџет до 20 милиони евра е една од најразвиените општини во Егејскиот регион на Р.Турција. Акхисар е претежно земјоделска општина каде што најзастапаени се одгледување и преработка на маслинки, лозарство и тутун.
Збратимувањето на нашите општини ќе придонесе соработка како на економски план така и во делот на култутрата, традицијата и земјоделието. Соработка се планира и со општина Селчук со чија градоначалничка Филиз Џиритоглу Сенгел оставарија работна средба .
,,Општина Селчук е место каде гравитират 458 домаќинства исселени од општина Конче и затоа посетaта во Селчук за нас беше од посебно значење, исто така во рамките на оваа посета имавме средба и со “Здружението на балкански исселенеици во Селчук” и сакам да му се заблагодарам на претседателот на здружението Али Акјуз за нивното гостопримство,, соопштија од општината
Работната посета во Турција делегацијата од општина Конче ја завршија со средба со Градоначалникот на општина Кушадаси Омер Гунел. Како што изрази и градоначалникот Омер Гунел ние сме народ од две различни држави но со многу заеднички култури,традиции и обичаи и ова соработка мора да ја продолжиме и веќе првиот чекор е направен и следните чекори ќе бидат многу по лесни и брзи за двете општини. Исто така сакам да му се заблагодарам и на советникот од советот на општина Кушадаси Емре Фазлилар кој беше еден од иницијаторите за соработката со општина Кушадаси
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
