Општина Гевгелија ја објави листата со физички и правни лица кои ќе добијат општински пари како поддршка од Програмата за финансирање програми и проекти од областа на културата од интерес на општина Гевгелија за 2026 година. Средства ќе добијат вкупно 47 физички и правни лица кои аплицираа со проектни активности до општината по распишаниот Jавен повик од минатата година. Ќе бидат доделeни 9 милиони и 680 илјади денари или околу 158 илјади евра.
Најмногу пари се предвидени за Темов Крафт од Скопје за манифестацијата ,,Вкуси го југот“ околу 35 илјади евра, пионерскиот дом ,,Јосип Броз Тито“ ќе доби околу 24 илјади евра, додека детскиот фестивал Калинка околу 13 илјади евра. Според јавно објавениот документ Домот на културата пак од општината ќе добие 6 500 евра
Останатите институции, здружение на граѓани, културно уметнички друштва но и физички лица ќе добиваат од 20 до 250 илјади денари а околу 2 милиони се предвидени за дополнителни активности од оваа Програма
Целата листа кои правни и физички лица ќе добијат пари и за кои активности можете да ја видете ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
