Две противпожарни возила целосно опремени со капацитет од 5 и 2 тони литра вода како и теренско возило за брза интервенција доби Општина Василево како донација со што и официјално ја почна постапката за формирање на Доброволно поротивпожарно друштво. Како што кажа градоначалникот Славе Андонов потребата од противпожарно друштво е голема бидејки Општина Василево територијално е огромна и контуинирано има пожари на отворен и затвoрен простор.
,, Сите ние многу добро ја знаеме потребата од овие возила. На прагот сме од летото и потребата од противпожарна опрема е повеќе од голема. Неретко во нашата општина се случуваат пожари, скоро да нема лето без пожари. Искрено се надевам дека многу ретко ќе ги користиме активностите и опремата на друштвото.“, кажа градоначалникот Андонов
Возилата се донација благодарениe на заложбите на Бранко Ефтимов и неговата фирма „Дигитал“ Струмица. Со неговите конекции возилата се добиени од Словенија и Хрватска. Истите се функционални. Едно од возилата има голема современа опрема за интервенции при пожари на затворен простор.
,, Би сакал овие возила да стојат да не работат и да се најдеме во друга област да инвестираме“, кажа Бранко Ефтимов
Доброволното противпожарно друштво во Василево ќе се вика „Турија Кристал“ кое доби просторија во зградата на Домот на културата а наредната недела ќе биде распишан оглас за прием на членови. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
