Американската мисионерка Елен Марија Стон или меѓу народот позната како Мис Стон ќе добие спомен соба во Дом на културата во селото Градашорци-Општина Василево преку проект од Програмата за прекугранична соработка со Општина Кресна Бугарија. Првиот човек на Василево Славе Андонов денеска заедно со министерот за локална самоуправа Златко Пирински извршија увид во градежните работи за реновирање на Домот на културата во Градашорци.
„ Во спомен собата ќе бидат сместени најразлични историски податоци и документи кои укажуваат на нејзиното движење во пограничниот регион. Покрај изградба на собата ќе имаме и културно информативен центар. Проекот планира и набавка на електрични велосипеди, туристичка патека кај брана Турија“ рече градоначалникот Славе Андонов кој очекува во август да биде готов Домот во Градашорци.
Тој смета дека оваа спомен соба ќе го потикне локалниот економски развој но и туризмот во Општина Василево бидејки се очекуваат голем број гости да доаѓаат и изворно да се запознаат со ликот и делото на Мис Стон која е дел од Македонската историја посебно кога се одржува познатата манифестација „Празијада“
Општина Василево од прекуграничниот проект има на располагање 302.357 евра, а главната цел на проектот е да се подобри туристичкиот потенцијал на прекуграничниот регион преку интеграција на креативни индустрии, дигитални алатки и зелени решенија, создавајќи атрактивна четирисезонска туристичка понуда и нови можности за локален економски развој.
Покрај ЕУ средства за проектот има издвоено и Министерството за локална самоуправа односно 15% од вкупната сума. Од таа причина во Градашорци беше и министерот за локална самоуправа Златко Перински. Тој ја истакна заложбата на Владата за развој на секое место во Македонија. Соопшти дека за Општина Василево се доделени 115 милиони денари за реализација на вкупно 6 прокти .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
