Во населеното место Пиперево почнаа работите за асфалтирање на три улици кои ќе се работат со средства од Буџетот н аопштината согласно годиншнава Програма за изградба на локални патишта и улици. Станува збор за улици во вкупна должина од 355 метри кои се на различни локации, и за чија изградба општината од обезбеди околу 1 150 000 денари. Според информациите сите три улици се тампонирани и во наредните денови ќе бидат асфалтирани.
„Деновиве во Пиперево градиме три улици, кои се дел од Програмата за изградба на локални патишта и улици за 2019 година. Од планираните вкупно 15, досега комплетно се завршени четири и тоа две во населеното место Градашорци и по една во населените места Ангелци и Седларци. Овие денови ќе се асфалтираат и овие три улици со што значително ќе биде подборена патната инфраструктура во Пиперево“, вели градоначалникот Марјан Јанев кој подвлече дека градежните активности ќе се одвиваат со предвидената динамика и во наредниот период.
Активностите на терен ги изведува градежната компанија „Портланд“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
