Преку Министерството за транспорт и врски, Општина Василево обезбеди средства за оградување и партерно уредување на дворот на училиштетот ,,Гоце Делчев“ во Ангелци. Станува збор за барање на жителите од Ангелци и Градашорци каде се школуваат децата од овие две населени места од прво до петто одделение а наставата се одвива на македонски и турски јазик.
Како што објави градоначалникот на Василево Славе Андонов согласно одобрениот проект, уредувањето на училишниот двор опфаќа изградба на детско игралиште со модерни содржини, опрема за вежбање и рекреирање, нови зелени површини, нова урбана опрема како и изградба на ограден ѕид, поставување на метална ограда и изградба на пристапни патеки
,,Децата се иднината на секое општество. Тие заслужуваат безбедни и инспиративни простори за игра и развој“, објави градоначалникот на Василево Славе Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
