Градоначалникот на општина Василево, Славе Андонов, денес, на лице место во населеното место Васока Маала го следеше финализирањето на активности на двете улици чија изградба започна пред само неколку денови.
„Денес ги асфалтираме двете улици чија изградба ја започнавме викендов. Работејќи во континуите, улиците се завршени во експресно краток рок. Жителите од Висока Маала кои ги користат овие улици, од денес ќе ги користат благодетите на оваа последна инвестиција од општина Василево во ова населено место“, изјави градоначалникот Андонов, споделувајќи го задоволството од реализираниот проект со жителите кои присуствуваа на чинот на асфалтирањето.
Улиците се со различна должина односно површина која зависи од состојбата и условите на терен. Двете заедно имаат површина од околу 315 м2 и вкупен Буџет од околу 500 000 денари.
Средствата се обезбедени од Буџетот на општина Василево преку Програмата за изградба, реконструкција и одржување на локални патишта и улици во општина Василево за 2022 година.
Изведувач на градежните активности на терен е компанијата Бони интерградба.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
