Општина Василево деновиве интензивно работи на изградба на улица од 420 метри во населеното место Добрашинци која води од мостот на влезот во селото па се до постоечкиот земјен пат во самото село. Буџетот за улицата изнесува околу 5 300 000 денари од кои околу 3 000 000 денари се обезбедени од Бирото за регионален развој при Министерството за локална самоуправа а остатокот од сопствениот буџет. Улицата според проекциите треба да има има и отворен атмосферски канал
„Активностите на терен се одвиваат соглано планираното, што значи до крајот на оваа година и патот кон Брана Турија и улицата од 420 метри ќе бидат целосно завршени. Заради специфичните услови на теренот, местоположбата на улицата покрај која има и атмосферски канал, истата ќе се гради во два слоја, но до крајот на оваа година и таа ќе биде комплетно готова. За жителите на Добрашинци конечно решаваме еден огромен проблем со проодноста и пристапноста кон нивните домови,, рече градоначалникот Марјан Јанев
Општина Василево го асфалтира и патот од крстосницата пред с.Доброшинци до брана Турија во должина од 800 и ширина на патот од 5,5 метри. Буџетот за изградба на патот што води кон Брана Турија изнесува околу 12 000 000 денари , од кои околу 10 000 000 денари се обезбедени од Агенцијата за финансиска поддршка во земјоделието и руралниот развој преку Центарот за развој на Југоисточниот плански регион и околу 2 000 000 денари од општинската каса.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
