Од населеното место Радичево, општина Василево почна да ја реализира Програмата за изградба на патишта и улици за ова година. Механизација на Бони Интерградба асфалтираше улица од 200 метрри за која се обезбедени пари од Буџет на општината во висина од околу 1 000 000 денари.
„Граѓаните од овој дел на Радичево после долги години очекување ќе добијат асфалтирана улица. Практично, денес со асфалтирањето на оваа улица започнуваме со реализација на Програмата за улици и патишта за 2022 година. Во наредниот период ќе продолжиме со асфалтирање на другите улици од Програмата“.
Од Радичево, градоначалникот сподели информации и за останатите тековни активности на кои општината работи во ова населено место, како и за оние кои во иднина со сигурност ќе се реализираат. „Паралелно во Радичево се работи и на уредување на училишниот двор односно поставување на бекатон плочки во дворот и замена на оградата.
Посебно сакам да споделам уште една убава вест која се однесува на ова населено место: преку Центарот за развој на Југоисточниот плански регион одобрен е проектот Асфалтирање на улицата до црквата во с. Радичево, во должина од околу 200 метри и буцет од околу 2,5 милиони денари“, потенцираше градоначалникот Андонов, во денешната изјава за медиумите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
