Општина Валандово донираше симболична сума од 30.000 денари за здружението за борба против рак ,,Борка – за секој нов ден” во знак на поддршка за нивните храбри и континуирани активности. Ова го објави градоначалникот на Валандово Перо Костадинов истакнувајки дека здружението ,,Борка” има огромна заслуга за еманципацијата и поддршката на жените во нивната борба со ракот на дојка.
,,Здружението “БОРКА – за секој нов ден” е невладина, непрофитна организација, основана за поддршка на граѓаните, пациентите, нивните семејства и здравствените организации во борбата против сите видови на рак. Здружението соработува со сите вклучени релевантни фактори во општеството и во својата работа се фокусира кон поддршка на пациентите заболени од рак и организирање различни активности за подигање на свеста во заедницата за оваа болест,, објави Костадинов
Како што напиша Костадинов жените да имаат право на највисоките достапни стандарди на физичко и на ментално здравје.
,,Уживањето на ова право е витално за нивниот живот и добросостојба. Сите заедно, треба да работиме на подигање на свеста за подобрување на правата на жените, нивно изедначување со мажите и еднаков пристап во сите сфери на општественото живеење. Да се ослободиме од оковите на минатото и да изградиме заедница која се грижи за секого, на ист начин,, објави Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
