Општина Валандово распиша меѓународен конкурс за песни за годинашново 34 издание на фестивалот на новосоздадени македонски народни песни „Фолк фест Валандово“. До 15 февруари домашни и странски автори може да понудат песни кои ќе бидат изведени на фестивалската сцена во Валандово при крајот на мај годинава.Според најавите, годинава „Фолк фест Валандово“ ќе биде во две вечераи, едната ревијална и другата натпреварувачка со нови 20 народни песни
На фестивалот ќе бидат доделени осум парични награди, и тоа за прво место – износ од 1.500 евра, за второ – износ од 1.000 евра и за трето место – 750 евра. Освен за најдобрите три песни на Фолк фест Валандово ќе бидат доделени и наградие за најдобра вокална изведба, најдобар аранжман, најдобар дебитант, најдобар текст и најдобар сценски настап, сите вредни по 500 евра.
Организатор на фестивалот е општина Валандово а главен покровител на валандовскиот „Фолк фест 2019“ е Министерството за култура на Република Македонија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
