Општина Босилово ќе набави ново комунално возило за собирање и транспрот на комуналниот отпад. Со истото ќе стопанисува ЈПКД Огражден. Токму овој проект доби најмногу гласови на Форумот на заедницата што се спроведе во Босилово од Програмата за зајакнување на општинските совети Фаза 2, финансиран од Швајцарската амбасада и Министерството за локална самоуправа, имплементиран од УНДП.
Возилото се проценува дека ќе чини околу 90 илјади долари . Се очекува 60 да се добијат преку УНДП а останатиот дел од парите ќе ги обезбеди Општина Босилово. Со зголемувањето на возниот парк на ЈПКД Огражден, се очекува да се испорачи поквалитетна услуга за собирање и транспорт на отпадот но и да бидат опфатени со организирано собирање сите населени места во Општината. Инаку комуналното во Босилово има два возила од кои едното е во постојан дефект а другото го добија како донација од Јапонската амбасада.
На Форумот во Босилово, присутнтие граѓани расправаа за областа Животна средина. Предочија повеќе проблеми но понудија и повеќе решенија. На четвртата сесија имаа за гласање три проекти како приоритетни. Освен набавка на ново комунално возило, се побара и набавка на канти за селекција на отпад но и набавка на багер за ископ и за чистење на одводни канали.
Жителите сметаа дека зајакнување на капцитетите на комуналното ќе придонесе и за почиста општина. Паралелно на градоначалникот Ристо Манчев му ги предадоа и сите препораки што произлегоа од Форумот низ четирите сесии.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
