Општина Босилово размислува или редуцирање на бројот на вработени во трите основни училишта или ингеренциите во образованието да ги врати на министерството. Вака најави градоначалникот на Босилово Ристо Манчев кој тврди дека дури 96 одсто од блок дотациите од државата одат за плати на вработените а останатите пари само 4 проценти се за исплата за електрична енергија, превоз, греење што не е доволно за одржување на училиштата.
Градоначалникот Манчев вели дека последниве години во трите училишта во општина Босилово се зголемил бројот на просветните работници, а бројот на деца е се помал. Со директорите на училишта се прават анализи по што ќе се донесе соодветна одлука што понатаму, бидејки училиштата имаат и околу пет милиони денари долгови.
Босилово не е единствена општина. И Радовиш пред извесен период најави враќање на ингеренциите на министерството со оглед на се помалиот трансфер на пари од државата а зголемени обврски на општината во поглед на одржување основните и средни училишта.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
