Општина Боислово идната недела планира да реализира хуманитарна и еколошка акција која ке ја спроведе во соработка со ЈПКД Огражден и постапувачот Тексомак од Скопје . Станува збор за акција во која ќе се собира текстилниот отпад од граѓаните но и добро зачувана облека која стои во плакари и домакинствата не знаат што да прават со неа. За таа цел во среда на 16 ти октомври во периодот од 11 до 14 часот во центарот на Босилово може да се донесе целиоттекстилен отпад но и облеката која треба да биде соодветно спакувана по возраст.
„Граѓаните доколку имаат можност својот текстилен отпад (облека) кој е зачуван, истиот да го селектираат и соодветно спакуваат по возраст и донесат до собирното место на денот на акцијата каде истиот понатаму ќе биде дониран на социјално ранливи категории. Сите останати граѓани кои имаат соодветно спакувана облека а немаат можност да ја донесат до собирното место на денот на акцијата, да се јават на телефонскиот број 071307887 за негово подигање од наша страна“, стои во информацијата од Општина Босилово
Инаку Општина Босилово склучи договор за соработка со Тексомак како колективен постапувач и во договор со ЈПКД „Огражден“ Босилово ќе организира поставување на контејнери за селекција на текстилен отпад на неколку локации во општината, за кои граѓаните ќе бидат дополнително известени.(М.К)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
