Во петок на 22 ноември во ресторанот „Мона Лиза“ во Радово, Општина Босилово го отпочнува форумскиот процес на кој граѓаните ќе имаат можност да дискутираат, дават предлози но и одлучат за што ќе се троши грантот што општината го доби. Станува збор за грант од проектот “Зајакнување на општинските совети-фаза2“ кој е финансиран од страна на Швајцарската Влада и Министерството за локална самоуправа, а ја кофинансира и спроведува Програмата за развој на обединетите нации (УНДП) и Општина Босилово.
Првата форумска сесија во „Мона Лиза“ во Радово е закажана во петок во 16 часот на кој граѓаните транспарентно и одговорно ќе одлучат која тема, односно програма е приоритетна за да потоа предложат и можни проекти за реализација кои ќе го подобрат животот на граѓаните во Општина Босилово.
Станува збор за четири форумски сесии во кои се слуша гласот на граѓаните. Токму тие ќе дискутираат за проблемите кои ги засегаат и ќе нудат решенија кои ќе бидат преточени во предлог концепти а потоа и како проекти. Паралелно граѓаните директно ќе го следат и процесот на создавање проект но и негова реализација идната година од кој бенефит ќе имаат сите граѓани на општина Босилово.
Градоначалникот на Босилово Ристо Манчев упати покана до сите граѓани на Општината да бидат дел од првата форумска сесија и директно да учествуваат во процесот на лоцирање проблем, креирање на решение и негово преточување во проект за реализација за кој се обезбедени средства од околу 40 илјади долари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
