Трета година по ред Општина Босилово, парите за новогодишни репрезентативни матријали ги пренасочува кон екологијата за реализација на акцијата “Овошно дрвце за пластични шишиња!” За таа цел во четврток во сите населени места во ова општина Босилово ќе се дава по еден овошен садник за 30 пластични шишиња. Акцијата ќе се спроведе во периодот од 9 до 12 часот и 30 минути и се планира да бидат поделени околу 1200 овошни садници и тоа слива, праска, некраринка, круша и цреша.
,, Овошните садници ќе се делат, односно пластичните шишиња ќе се собираат во училишниот двор во секое населено место од 09.00 -12.30 часот. Заради околностите, освен во училиштата, дополнително, ќе се делат садници во Босилово, (кај Стара чешма) и во Моноспитово (кај продавницата на Баската)“, стои во објавата на градоначалникот на Босилово Ристо Манчев.
Садниците се набавени од фирмата „Агро Атанас“ од Бориево за вкупна вредност со ДДВ од 117 615 денари за сите 1200 садници. Ова фирма доставила најниска цена на распишаната јавна набавка. Според техничката спецификација садниците треба да бидат високи од еден до метар и половина. Цената поединичено без ДДВ за садник изнесува 94 денари. Треба да бидат доставени по 250 садници слива, праска, нектарина и круша како и 200 садници цреша.
Минатата година беа собрани околу 16 тракторски приколки пластичен отпад а интерес за акцијата имаше во сите населени места во Општина Босилово. (В. Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
