Првиот човек на Општина Струмица Костадин Костадинов на ФБ објави дека во целост го поддржува најавениот протест на граѓаните во сабота заради загадениот воздух. Како што напиша, струмичани заслужуваат да дишат почист воздух и затоа тој во сабота ќе се приклучи на протестниот марш. Според него заложбите и напорите на локалната и централната власт преку конретни мерки да се реши проблемот не добирапе до вистинските адреси
,,Работата на субјектите кои имаат ингеренции за контрола се континуирано на терен, но определени субјекти се посилни и над законите. И покрај реализираните инспекциски надзори и опомени, своеволието на одредени субјекти продолжува! Постојано повикувам и апелирам на почитување на законите и обврските кои произлегуваат од нив, како и соодветно санкционирање од страна на Надлежните на различни нивоа. Не смееме да дозволиме граѓаните да се жртва на нечии лични интереси.,, напиша Костадинов на ФБ
Протесниот марш против аерозагадувањето во сабота ќе започне во 11 часот од пред Домот на АРМ во Струмица. Како што објавија од Здрава Котлина тој ќе продолжи по улицата 24 ти Октомври кон Болницата од таму по Младинска до кружниот тек кај Мавровка па по булеварот Гоце Делчев кај кружниот тек кај поштата па се продолжува кон Глобал од каде по булевар Ленинова ќе заврши пред општинската зграда кај канцелариите на инспекциските служби.
Од средината на декември досега Струмица четри пати беше во ,,црвената зона“ со надминат праг на алармирање на аерозагадување при што Министерството за животна средина издава препораки до институциите за да се заштитат граѓаните од штетните ПМ честички. За еко активистите сомнително е што Струмица е и со највисоки концентрации и на сулфур диоксид. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
