Ученици заедно со наставници од ООУ „Маршал Тито “ од Струмија изработија видеопорака и победија во проектот ,,Направи забава на батерии“ на постапувачот со електронски отпад Нулта Отпад од Скопје. Во конкуренција на десетици училишта од земјава видеото од ООУ„Маршал Тито“ од страна на стручното жири доби најмногу поени бидејки испраќа моќна порака како да се постапува со истрошените и неупотребливи батерии. За таа цел тие добија парична награда од 30 илјади денари.
„Видеото е посветено на подигање на еко-свеста, со посебен фокус на важноста од правилно собирање и рециклирање на батерии, како мал, но значаен чекор во заштитата на животната средина. Преку креативен пристап и силна порака испративме јасен апел за поголема грижа кон природата. Ова признание е голема мотивација да продолжиме со активности кои ја поттикнуваат еколошката свест и одговорноста кон животната средина. Горди сме што преку заедничка работа успеавме да испратиме важна порака дека грижата за природата започнува од секој од нас.“, објавија од ООУ „Маршал Тито“ од Струмица
На видеото како што соопштија од школото работеа професорката по македонски јазик – Ѓургица Костадиновска и професорката по биологија – Анета Крстова, кои ја поставиле идејата и ја реализирале со помош на ученици. За снимањето и монтажата била задолжена Стојне Карадакоски а свој придонес дале и директорка Ленче Чиркова мо омаставмоцоте Никола Ристов и Ивана Крстова кои помогнаа во уредувањето на сцените и ентериерот. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
