Основното музичко училиште „Боро Џони“ од Струмица најавува уникатен концерт под маски кој ќе се реализира утревечер (23.02) во НУЦК Антон Панов во Струмица во рамките на програмата на Струмичкиот карневал. Учениците со своите професори според програмата, ќе реализираат два концерти. Првиот е закажан во 18 часот додека вториот е во 20 часот. Концертот под маски како што информираше Клара Патарова за порталот Биди свој е насловен како „Дами и господа“
(Од ланскиот Концерт под маски на ОМУ Боро Џони)
„И оваа година концертот под маски ќе понуди уникатна содржина афирмирајќи музика која се пеела и свирела години наназад на светски познатите сцени како и на нашата македонска музичка сцена. Концерт под маски 2023 е насловен „Дами и господа“ вели Патарова за Биди свој.
ОМУ „Боро Џони“ од Струмица концерт под маски организираат од 2009 тата кога на предлог на претседателот на ФЕКК Струмица од концертната сала на школото, се префрлија во Центарот за култура и се дел од програмата на Струмичкиот карневал. Повеќе од 2 500 ученици учествувал во досегашните концерти кои предизвикуваат интерес кај публиката а како највпечатлив е оној од 2019 тата насловен како Џунгла
(Џунгла на ОМУ Боро Џони Концерт под маски во 2019)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
