Музичкото училиште „Боро Џони “ од Струмица го реализираше својот Концерт под маски 2023 – ,,Дами и господа“ на кој стотици ученици настапуваа со свои точки креирани со своите професори и ментори. Час и половина траеше концертот во кој учениците навратија на музика која се пеела и свирела години наназад на светски познатите сцени како и на македонската музичка сцена. Концертот под маски на ОМУ „Боро Џони“ е дел од карневалските свечености во Струмица.
„Дали сум во Струмица или сум на Бродвеј“ се прашував самиот, додека го гледав вечерашниот концерт под маски на Музичкото училиште „Боро Џони“. Неповторливо, фантастично и неверојатно возбудливо. Наставниците и учениците од ова училиште, уште еднаш, по којзнае кој пат, покажаа и докажаа дека со многу труд и љубов се прави прекрасно и спектакуларно дело. Беше вистинско уживање да се биде сведок на „Дами и Господа“, концерт под маски кој долго ќе се памети“, напиша градоначалникот на Струмица Костадин Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
